Sport ​​១​ឆ្នាំ​៤១​លាន​ដុល្លារ...PSG ​លក់​តែ​អាវ​ Messi ​ក៏​អាច​ចំណេញ​វិញ​បាន​ដែរ

 ក្លឹប​បាល់ទាត់​ PSG ​​នឹង​ចំណាយ​ប្រាក់​៤១​លាន​ដុល្លារ​ក្នុង​១​ឆ្នាំ​ឱ្យ Lionel Messi ដែល​នេះ​ជា​តម្លៃ​ពលកម្ម​របស់​គេ​ក្នុង​កុងត្រា​រយៈ​ពេល​២​ឆ្នាំ​។

​វា​អាច​និយាយ​បាន​ថា​ជា​តម្លៃ​ពលកម្ម​ខ្ពស់​ជាង​គេ​បំផុត​ហើយ​ក្នុង​ពិភព​បាល់ទាត់​នា​ពេល​បច្ចុប្បន្ន​នេះ ​ដោយ​ច្រើន​ជាង Neymar , Cristiano Ronaldo ​ឬ Mbappe ​ទៅ​ទៀត។ ​តែ​បើ​តាម​ការ​វិភាគ​វិញ ​ស​បញ្ជាក់​ថា​ក្លឹប PSG ​នឹង​ចំណេញ ​ចំណេញ​ច្រើន​មែនទែន​ដែល​អាច​ចរចា​យក Messi ​បាន​នេះ។ ដោយ​គ្រាន់​តែ​លក់​អាវ​រដូវ​កាល​ថ្មី​តែ​ប៉ុន្មាន​ខែ ​នឹង​អាច​រួច​ថ្លៃ​តម្លៃ​ពលកម្ម​របស់ Messi ​បាន​ទៅ​ហើយ។ ​

​ខណៈ​ដែល​គ្រាន់​តែ​បង្ហាញ​ខ្លួន​នៅ​បារីស ​មាន​អ្នក​គាំទ្រ​ឈរ​ចាំ​ទទួល​តាម​ផ្លូវ​តាំង​ពី​ព្រលាន​យន្ដហោះ​រហូត​ដល់​កីឡដ្ឋាន​ទៅ​ហើយ។ ​នេះ​បញ្ជាក់​បាន​ថា​សន្ទុះ​នៃ​ការ​គាំទ្រ​ពិត​ជា​ខ្លាំង​មែនទែន ​ដូច្នេះ​ទីផ្សារ​ហ៊ុន​ឬ​ការ​លក់​អាវ​របស់ Messi ​ជាមួយ​ក្រុម PSG ​នឹង​ស្ទុះ​ឡើង​ខ្លាំង​មិន​ខាន។ ​មួយ​វិញ​ទៀត ​ក្លឹប​អ្នក​មាន​បារាំង​នេះ ក៏​នឹង​មិន​ពិបាក​ក្នុង​ការ​រក Sponsor ​ធំ​ៗ​ផង​ដែរ​នា​រដូវ​កាល​ខាង​មុខ​នេះ។

​រំលឹក​ថា PSG ​នា​រដូវ​កាល​នេះ ​បាន​ក្លាយ​ជា​ក្លឹប​ចំណាយ​ពលកម្ម​លើ​កីឡាករ​ច្រើន​ជាង​គេ​បំផុត ​ដោយ​រដូវ​កាល​នេះ​ត្រូវ​បាន​គេ​ដឹង​ថា​នឹង​ចំណាយ​ប្រមាណ​៣០០​លាន​ដុល្លារ​ទៅ​លើ​ប្រាក់​ខែ។ ​ប្រសិន​បើ​អាច​ឈ្នះ​ពាន​រង្វាន់ UEFA Champions League ​ទៀត នោះ​នឹង​មាន​ប្រាក់ Bonus ​ថែម​ឱ្យ​កីឡាករ​ថែម​ទៀត​ផង៕